مجتمعنا

حازم جمال ” بدأت مشروعي ب 150 جنيه بس “

كتبت : نانسي سمير

 

حازم جمال عفيفى طالب بالفرقه الثالثه بكليه التجاره وإداره الأعمال جامعه حلوان من أبناء محافظه الجيزة

شاب طموح ، لديه فكر مختلف عن من في عمره ، بدأ العمل في مجال التسويق بأبسط التكاليف

و شارك في العديد من المؤتمرات والفعاليات والمبادرات كمبادره أفريقيا هتتكلم عربي

 يكشف “حازم جمال ” في حوار خاص لخطوه نيوز بالنسبه لدخوله سوق العمل قائلا :

” أنا صاحب وجهة نظر مختلفه شويه كشاب إني كنت رافض العمل الروتيني وكنت حابب أعمل حاجه جديده

فـأبتديت أفكر فـي عمل يكون مربح وفي نفس الوقت مكنش ملتزم بساعات عمل معينه لحد ما قررت أشتغل اونلاين “

ويضيف ” الوقت اللي بدأت فيه مكنش فى ناس كتير في هذا المجال وكان إلي حد ما لسه مجهول شويه

أو مش منتشر زي الأيام دى الكلام دا كان من حوالي 4 سنين تقريباً كنت في ثانويه عامه “

ويكمل ” بالفعل قررت إني أعمل زي شركه صغيره كده تبقا بتاعتي وكان اسمها H.E Store

وبدأت اشتغل عليها أونلاين من خلال إني أسوق منتجات وبدأت أكبر بالتدريج لحد ما بقا معايا تيم شغال معايا من مندوبين وغيرهم “

يشير بأنه بدأ يشعر برغبته الشديده في تطوير ذاته والفهم والتعلم أكثر عن هذا المجال فيقول

”  بدأت أبحث وأخد كورسات أونلاين وأقرأ كتب لحد ما بقا عندي خلفيه كويسه في الموضوع وكلمتني إحدي المؤسسات

وطلبت إننا نتعاون معاهم ونعمل كورسات مكثفه تعليميه للشباب بشكل مجاني ” وبالفعل تم تدريب أكثر من 150 شاب وفتاه في أقل من شهر

 يقول أيضا  ” اشتغلت مسوق رقمى مع شركات ومعارض ومطاعم فى مصر وشركات بره مصر وشركه على مستوي الوطن العربي

وبدأت أجمع عدد من الشباب أونلاين وأشرحلهم نقاط مهمه في التسويق وأعلمهم أونلاين بدون مقابل “

 
يضيف ” أصبح هدفي إني أدرب عدد كبير من الشباب ، وإني أكون شخص مؤثر و يكون ليا تأثير إيجابي علي عدد كبير من الشباب

خصوصا في التسويق الرقمي لأنه مش بس مهاره بنقلهالهم لكن أسلوب عمل متطور يقدروا يحصلوا علي ربح من وراه زيه زي اي شغل عادى “

ويكمل أنه يريد توجيه الشباب للعمل والسعي وتحفيزهم

بث روح الأمب داخلهم في أنه لا يشترط ذلك التكاليف الكبيره حيث يعطي نفسه مثالا قائلا ” بدأت عملي في مجال التسويق ب 150 جنيه فقط “

 

للجدير بالذكر أنه قد زاد لديه الهدف أكثر عندما توجهت الدوله تلك الفتره

بسبب أزمه كورونا للتحول الرقمي والتعليم عن بعد  ويقول

”  أن هذا يثبت أهميه وضروره إن الناس كلها لازم تكتسب المهارات الرقميه مش بس في التسويق

لا بشكل عام ولو دا أتحقق نقدر إننا نواكب أي دوله متقدمه بصفه عامه “

الوسوم

شروق الشافعي

طالبة في الفرقة الرابعة- كلية اداب قسم اعلام شعبة صحافة (جامعة المنوفية)

مقالات ذات صلة

اترك تعليقاً

زر الذهاب إلى الأعلى
إغلاق