رياضه

بلال جابر .. تمكن من الوصول للعالمية رغم اعاقته.

Mr.Legacy

كتبت: الهام شعبان

 

بلال جابر 26 سنة من مدينة إسكندرية، personal trainer فى جولد جيم ايليت سان ستيفانو مدرب لياقة بدنية وكمال اجسام.

فقد ساقه أثناء عبوره أمام احدي القطارات بالاسكندرية لما كان عنده 12 سنة.

صرح بلال لخطوة نيوز قائلا: قعدت بعد الحادثة حوالى 8 سنين،

الفترة دى كانت الصندوق الأسود فى حياتي، كنت شايف نفسي فيها فاشل،

الفترة دى خسرت فيها كل حاجة مكنتش قابل فكرة انى عاجز . حالتى المادية كانت صعبة مش قادر اعمل العملية.

حصلت علي مجموع 94% في الثانوية العامة، كنت خلاص حققت حلمي و هدخل الكلية اللي بحلم بيهاالهندسة” .

وللأسف المجموع وقف علي حاجة بسيطة، دخلت كلية علوم ومكنتش حابب استمر فيها،

وحولت تاني سنة فنون جميلة و حولت بعدها حاسبات وبعد كده دخلت تربية قسم كيمياء.

تابعأنا بدأت من تحت الصفر وتعبت كتير عشان أوصل لمنطقة الصفر دي أصلا، ظروفي المادية كانت صعبة“.

أكمل كلامهواجهت كتير من الألم الجسدي والنفسي من نظرات الناس ليا و ردود افعالهم

لما بيشوفوني بتدرب و متميز، بس قدرت أوصل لمكاني دا وحسيت إني مرضي بوضعي دا“.

ونشرت فيديوهات و صور ليا وأنا بتدرب علي الفيس بوك ومواقع التواصل الاجتماعي،

عشان أدي أمل للناس اللي عاملين بتر انهم يقدرو يحققوا أي حاجة عايزينها .

الموضوع دا نجح جدا و بدأ يظهر ناس كتير جدا في البطولات و علي مسارح كمال الأجسام .

صمم البطل بلال علي تحقيق هدفه و إثبات ذاته برغم الإصابة و الألم الا انه استمر في حياته بالطرف الصناعي،

و رغم ظروفه الا انه حصل علي العديد من البطولات والجوائز المحلية والعالمية.

اشترك في اول بطولة له علي مستوي الجامعاتكمال اجسامو تم إخراجه من التصنيف من قبل الحكام بسبب وضعه (2017).

معلقًا ان هذه كانت كسرة بالنسبة له و احباط.

حصل علي المركز الثالث في بطولة رفع اثقال علي مستوي الجامعات علي مستوي الجمهورية.

انتشر في كل البطولات علي مستوي مصر، عشان بس يوصل للناس انه مفيش مستحيل و انه يقدر يكمل في مشواره دا.

ثم تدرب اكثر و حصل علي المركز الأول في بطولة رفع اثقال علي مستوي الجامعات علي مستوي الجمهورية في عام (2018).

معلقًا: ان دي كانت بدايته وطريق نجاحه زي ما كان بيفكر و راسم طريقه.

حصل علي شهادة دولية وترك البطولات و اتجه للتدريب و توجيه الناس للبطولات و تشجعيهم.

تابع كلامه لخطوة نيوز قائلا: “في 2019 أخذت لقب أفضل قصة مدرب مؤثرة في حياته وفي حياة الناس علي مستوي العالم في امريكا.

و دا لقب خاص لوكالة جولد جيم العالمية، وإن اللقب دا اول مرة يدخل مصر والوطن العربي“.

اكمل كلامهأنا بعمل حملة الفترة دي لوحدي اسمها “we can” بجمع كل الناس اللي بتمر بظروف زيي،

بحاول أساعدهم انهم يلعبوارياضة.

و اجمع كل المدربين علي مستوي مصر عشان يأهلوهم و يدربهم لي دا بدون مقابل مادي من ذوي الاحتياجات الخاصة.

تابعنفسي ان الاتحاد المصري يعمل فئة لذوي الاحتياجات الخاصة في لعبة كمال الأجسام في مصر.

أشاران دا كان من اكبر الجوائز اللي حصلت في حياتي و إني قدرت أتحول من شخص فاشل لناجح “.

كما قال الكابتن بلال : انه يؤهل نفسه للدخول لموسوعة جينيس في الخطوة القادمة.

اختتم كلامه بنصيحة للشباباهم حاجة منعلقش كل حاجة علي شماعة الظروف وكلكم تقدروا تحققوا حلمكم“.

الوسوم

الهام شعبان

طالبة فرقة رابعة كلية آداب قسم اعلام جامعه المنوفية

مقالات ذات صلة

اترك تعليقاً

زر الذهاب إلى الأعلى
إغلاق